原來我係智性戀🥹 但我feel到我嘅價值觀係怪怪地 就係呢如果我忽然間對一個男仔有感覺/或者可以話係崇拜感/好感 咁亦都好大機會意味住我肯定又喺佢身上度搵一啲嘢嚟同佢鬥 而我每次睇得上眼嗰啲男仔 通常係喺某一啲嘅方面呢我少少 而我只需要努力或者用盡力咁我就可以超過佢 然後當我超過佢或者追平佢嘅時候 咁嗰種感覺就會冇咗💩 但呢一連串嘅步驟 如無意外嗰個男仔係完全唔知道嘅 之後我就可以去搵另一個男仔鬥🤯 我覺得呢樣嘢嘅好處係令我知識層面廣闊咗;仲多咗啲技能;甚至成績層面都可以提升 但唔好處嘅就係我可能有啲攰 (曾經真係試過burnout) 雖然我覺得機遇好多,我嘅好勝心都帶咗好多唔同嘅好嘢畀我🙂 鬥嘅過程亦都充滿意義,鬥完之後亦都有一個滿足咁同埋開心 但係同時我覺得壞處亦都多 因為每次當我啲嘅能力成果追平/超越個男仔之後,我其實會覺得好空虛🤯 但當真係有下一個人同我鬥嘅時候 我亦都會覺得自己好辛苦 仲有一點就係有時要追平或者超越人嘅時候 喺某啲情況下我都會覺得好吃力先至追得上 係呢種情況下我會覺得好辛苦好似畀人吊緊頸咁 有冇人可以分析下我😂