黎到多倫多最難買到係五香肉丁，如果買都好貴5.99一罐差唔多香港三倍價錢，所以都係自己試下整。 首先買舊梅頭出水，即係烚熟佢或蒸熟佢，之後就沖凍水，等佢肉質收縮。 然後可以切粒炒香佢，我會加少少洋蔥等佢甜啲，然後落酒，之後加埋黃豆醬雞粉五香粉胡椒粉，同埋加少少糖吊味，千祈唔好落太多黃豆醬或雞粉，因為好容易過鹹，如果第一次整落少啲，之後慢慢再加都未遲！ 最後放入壓力煲煮15分鐘，我覺得都差唔多淋。 如果大家有興趣學吓煮沙嗲牛肉請留言讚好，睇下過唔過到一千like,我以前真係喺茶餐廳做過,所以都幾正宗吓😂 多倫多香港人