Not specifically referring to anything just 有感而發。 有啲人好興做完仆街嘢被人鬧之後就發爛渣，賴童年陰影/遇人不淑/自己唔夠人靚仔/窮/有病，仲堂而皇之咁搬出一句「未經他人苦莫勸他人善」。 笑死人。 世界上過得苦嘅從來唔止你一個，更多人係背負恐怖童年長期病患etc仍然有骨氣地活著，就算迫不得已做出自私嘅行為都只會靜靜雞做，唔會大條道理講到全世界欠撚咗佢咁樣。 我有親戚做重病相關嘅義工，見過好多輕症重症同唔同嘅人格/行為，有時佢都會感歎一句「有病大晒咩」，我好明白。就好似今時今日有情緒問題嘅人一街都係，但唔代表你有權攞呢樣嘢做藉口去take advantage. 肚屙還肚屙，唔好攞正牌周街屙屎。 「未經他人苦莫勸他人善？」唔好誤會啦，無人expect你有能力行善喎，只係叫你唔好做個仆街啫。