🇫🇷法國讀master 附上一堆我嘅校園生活照(好掛住嗰段時期🥹) 法國有個獨特嘅學制叫Grande École，維基叫佢做精英學校🤨 法國最頂尖嘅學生係18歲會讀兩年prépa（預備班），壓力超大，好似DSE咁。讀完之後要考一個難度極高嘅公開試，分數決定可以入邊間Grande École，再讀3年，包括L3（類似大學3年級）同M1,M2（碩士1&2年級）。加埋5年就畢業，同時攞到bachelor同master學位。 學生可以揀讀商學院/工程學院。商學院嚟講，入到Top 3(HEC,ESSEC,ESCP)，喺法國搵工，尤其做金融/IB，基本上係無敵。見到CV寫Grande École，就代表呢個人係頂尖人才。法國大集團嘅CEO同高層都係呢3間學校出身，所以喺法國，學校背景真係可以影響成個職場生涯。 呢個制度只針對法國local學生。但作為外國人都可以入到Grande École，不過會直接由M1（碩士1年級）開始，完全skip哂佢哋嘅L123。由於冇經歷佢哋嘅公開試，所以要考GMAT，分數要高，要喺一間勁嘅大學畢業，有國際化背景，面試要完美，先有機會入到Top 3，絕對都唔簡單🙂‍↕️