唔知大家有冇一件事可以過左好多年都仲記得，我6年前小學六年級嘅時候（其實都唔係好耐🤣），第一次知道咩叫被人利用同背叛，我有三個朋友，兩個女仔A同B，仲有一個👦🏻，我同佢哋三個都唔同班，係因為我嗰年入左田徑隊先開始熟。 當時👦🏻係鍾意A，仲要係全級大部分人都知道，所以A好憎👦🏻，之後我唔記得咩機緣巧合同👦🏻熟左，嗰時每日都一齊打機，然後有一日佢無啦啦同我表白🤷🏻‍♀️，我無應承，只係一直拖住，因為我都唔知點做好，第二日我同左B講，B話：「乜你真係覺得佢鍾意你咩？」當時我唔係好知佢想表達啲咩，但從嗰日開始，全級、師弟妹、甚至連老師都知道佢鍾意我，因為👦🏻成日都好想同我有身體接觸😐，佢嘅朋友甚至會喺走廊好大聲講。有一日，我終於頂唔順同👦🏻講「連老師都知道，可唔可以收斂下？」👦🏻就食左誠實豆沙包咁同我講：「其實我一直都係鍾意A。」而鍾意我，係👦🏻同B度出嚟嘅計劃，希望A唔好再咁憎佢。無錯佢係成功左令到A唔再block 佢，唔左憎佢，但佢失左我呢個朋友🙂但其實佢度得出呢個計劃，應該都唔當我係朋友，上到中學我就block 左佢🙂‍↕️ （👇🏻再續）