《回憶中嘅啟豐商場》 ⁡ 唔知有冇脆友同我一樣喺屯門碼頭長大嘅呢🤭？啟豐商場可以話係陪住我成長，好多舖頭由細食到大，例如寶島、心思思同冰山一國咁！有間眼鏡舖係由我戴眼鏡開始我就喺佢度配！ ⁡ 舖頭叫華都眼鏡，老細兼視光師叫鄭生，仲有個叫華姐嘅肥姨姨🤭鄭生仍然用緊傳統方法幫客人驗眼，唔用電子儀器！「呢一行個E字仲睇到嗎？下面係咩字睇唔睇到？」真係好有feel🥹 ⁡ 而鄭生、華姐2個可以話係啟豐商場嘅活寶貝！點解咁講？係因為佢哋2個好搞笑，幫客人配眼鏡嘅時候成日會鬥嘴😂而華姐經常處於下風，俾鄭生食住🤣 ⁡ 記得好多年前我着住條短裙去配眼鏡，肥姨姨講咗句話我條裙好靚，點知鄭生話「着喺佢身上就緊係靚啦，如果係你着就好唔掂！」當時華姐聽到黑晒面，但又唔敢鬧鄭生，我同媽咪都O咗嘴😂 ⁡ 我有試過去第度配眼鏡，但真係唔掂！上次去Jixx配，冇同我做超薄、防藍光，價錢都唔平！我冇特登刮，但戴咗一星期就已經甩咗個塗層，而佢完全冇售後服務🫠 ⁡ 所以我搵返鄭生配，做咗超薄、防藍光先收我$650！仲好細心咁幫我調整眼鏡框，希望我戴得舒服、唔會壓住塊面！ ⁡ 香港嘅小店真係買少見少，要幫襯嘅話趁早🥺