今日聽收音機時，聽到話小朋友會有一刻明白到父母都係人，真的感觸良多。 移民唔係嘆世界，而係充滿挑戰、打擊、失望、迷惘與沮喪。頭一年移民溫哥華，當然乜都好靚，風光如畫。但慢慢面對現實後，銀紙係咁燒，工作唔穩定又挑戰大，大人情緒都真係好差好差好低落。艱難大唔係因為加拿大，而係移民本身就唔係一件易事。好多好人幫，件事會易咗，但苦嘅本質無變。 而當心情差嘅時候，俾小朋友煩住，又或見到佢地鬧交就會更難控制情緒而大聲鬧佢地。我知唔應該將情緒轉移去佢地身上，又或唔應該將情緒帶返屋企。所以，都會好自責。初心係為小朋友，唔好將唔好嘅情緒帶埋俾佢地。 不過，聽完父母都係人之後，ok，everyone makes mistakes。繼續努力，盡力放低生活嘅挑戰與苦，將笑聲帶俾小朋友，明天一定會更美好嘅。