之前有個post我鬧過香港過海又貴又慢樣樣車唔係路咁款，唔知大家覺唔覺，好似條條隧巴都好兜路成粒鐘先到。過海隧巴由72年紅隧通車開始，嗰個年代仲係大流水concept，加上唔使轉船一程過，係「快捷」嘅選擇，半世紀過去，已略顯過時 101灣仔內街燈位多又窄，西環方向出告士打道，金鐘停海富，紅棉路入返皇后大道中，可以cut走距離近嘅站，至少快兩個字；回程行返原路都仲好， 102荔枝角橋底方向清風街天橋走，剩返112都做到彌敦道丶長沙灣 106土瓜灣下路同紅磡有船，彩虹道有116，所以維園之後上東廊渣華道落橋直飛鰂魚涌，大流水柴小筲箕灣避之則吉 107客量ok，只想問南區丶荃灣丶將軍澳里數比606, 106低但收高兩三級？ 111上彩福，回程中環丶灣仔去土瓜灣101完全cover，歐化之後上機隧+跑道直達彩虹道 113無藥可救，縮去黃大仙，彩虹坐101仲快 619順利嚟講比較兜，如果中環方向唔行喜鵲樓，另外601同619金鐘至官塘站位相同，係咪冇第二條路？ 點解荃灣過海線咁貴？930 22.7 km收$20.8，606 21.8 km收$12.9？