三十年如一日嘅九龍公園，係我細個成日去嘅地方，係童年回憶嘅一個重要部份。 游水、打波、睇雀、玩燈籠(同睇人煲蠟)…慶幸以前屋企附近有咁大個公園，令我可以隨時離開密集嘅石屎森林，呼吸新鮮空氣，盡情奔跑玩耍(玩四驅車一流)，感受動植物嘅味道同聲音。 翻新設施係可以嘅，但咁樣「優化」我覺得就冇必要，除咗想保住回憶，作為公園佢已經畀到市民好好嘅休憩環境，係咪一定要將公共空間商業化呢？最後得益嘅係邊個？ 如果整到好似「喜歡里」咁，就不如咪搞。