我係做audit嘅時候養成咗一個壞習慣，就係好鍾意搭的士。 當年落field work時，團隊有個不成文規定，就係成個team都會一齊走。無論有幾wok，OT到通宵達旦，還是junior做晒手頭上嘅testing，都會等埋一齊走。 果時仲係八折的非常猖獗嘅年代。我serve嘅好多都係廠客，集中係葵青荔枝角。每晚臨放工call車嘅時候，好多時隔離Team都係差唔多時間放工。一個order係講緊二三十部車，好震撼。 而且係星期一至六，晚晚如是。雖然同事們住嘅地方遠近不一，但係對的士大哥黎講，都算係一支相對穩定嘅大單。車開我哋嘅大哥話，佢哋車隊每晚似抽生死籤咁，唔俾揀單接。 就係咁養成搭的士習慣。 到之後唔洗成日field work，的士單冇得claim嘅時候，返屋企都會好順手咁截的士。 以前都會enjoy做吓weekend driver。但漸漸覺得的士或Uber更加慳水慳力。香港嘅車資比起好多已發展城市便宜，非常抵搭。加上點對點唔洗揾位泊車其實慳唔少時間，對我來講係最大賣點。 久而久之，的士就變成咗我出入起居嘅御用shuttle。