《曼聯又一次僥倖取勝》 噚日凌晨時分，曼聯對榜尾嘅修咸頓，只可以驚險反勝三比一。 修咸頓同曼聯一樣用 3-4-2-1，兩翼衛上前壓逼，令曼聯難以喺後場組織。阿慕廉嘅曼聯一直唔壓逼，今次由修咸頓證明應該壓逼，同埋示範點樣壓逼。 壓逼冇壓啲唔壓啲，曼聯前看守領隊蘭歷克在任時講過「冇少少懷孕」。 當大家踢同樣陣式，相近戰術，修咸頓靠壓逼贏攻勢，亦比較入肉。請謹記，修咸頓唔係一開波就死守，要曼聯破大巴。曼聯球員可以踢最擅長嘅防守反擊／快攻。有快攻／反擊攻勢下，都可以射唔中龍。 又一次角球失波，曼聯球迷可以話省中烏加迪彈入龍門冇運。不過，人哋攻勢入肉啲，早過你入波，有乜咁出奇？ 六十幾分鐘，修咸頓決定褪後嚟踢，守埋佢。阿馬特入波前，曼聯一直破唔到對方死守，原因好簡單：3-4-2-1 翼衛拉邊、翼鋒踢攻中。雖然，阿慕廉換咗安東尼入嚟，但係，只係啱踢反擊／快攻，面對對手死守毫無作用。 阿馬特三個入波，得第二球值得講。因為，第一球係快攻，第三球係對方失誤，佢成功壓逼後射空門。第二球，阿馬特傳畀艾歷臣，接應過頭高波，第一時間射入。 （留言續） 曼聯