我好想有人話我知 自己有咩地方乞人憎或者衰咩 導致一個普通朋友都冇 但是我沒有勇氣主動問人呢個問題 (因為人哋都未必想認真答) 自問我甚少喺朋友面前放負 講嘢甚少得罪或傷害到人 係有時喺網上呻下 喺現實我好少同人講自己嘢 (除非人哋問起我先會講) 更加唔會喺人哋傾緊嗰話題時扯開話題 至於興趣方面 唔算太狹窄 中意彈結他 攝影 同埋睇band show 有少少中意唱歌 行街睇衫都ok中意 未至於完全唔識化妝 性格方面 相比起以前已經冇諗太多 亦都冇以前咁敏感多疑 有咩性格上嘅缺點我都盡量去改 如果有人話我知自己衰咩 我會感激不盡