新加坡城市規劃有少少overrated。冇錯佢出色嘅位係大量綠化、美化環境減低溫度、整齊企理有秩序 反面嘅係呢種幾modernism嘅urban fabric太多單一用途大建築、闊路綠樹亦唔係好favour日常步行（Jane Jacob講過好多唔重覆） 仲有似乎承襲美國戰後手勢，規劃以車為本（同李光耀強調要避免陷入東南亞國家塞車境況），組屋區一樣用6線馬路格網貫穿（除咗女王鎮、中峇鲁、紅山呢啲早期市鎮） 壞處係每個街區都好似個海島 —— 唔易行、住宅易有車聲、冇香港屋邨咁有社區感、搭巴士冇咁易（即使有補救方法好似拍老人卡延長綠公仔、有蓋行人道） 睇番香港新市鎮設計靚在，佢首先係個place。車路只係穿插嘅河流（甚至2線馬路已經serve緊十幾座樓，求其噏幾個，好似耀東、廣源、皇后山）。然後商場、住宅平台、公共交通融合成一個complex連通幹道兩邊（太和、黃大仙、屯市、沙田）。亦所以點解喺香港散步往往會收獲豐富 近年LTA同URA都有著力開始填番部分馬路同友善街道，都算係個好開始 （最後我推薦Roger Bristow本書講香港新市鎮）