18.01.2025 「新界無打毗，北區返屋企」 港超大埔作客北區 向來投入既大埔球迷相信會有啲失落，今場係少有咁靜，只因球迷想向球會表達無聲控訴，唔希望球會一意孤行亂搞改名 乘載住濃厚社區氣息既區隊，支持既大多數係生於斯長於斯既大埔人，就算商業贊助都只應外加上去，唔應該加插其中，「大埔隊」就係大埔隊，破壞左當中結構，間屋就會散 今日改得追夢隊，聽日改埋叫發財隊，會唔會有朝一日連「大埔」兩隻字都唔見埋？廣州球迷失去「廣州隊」都即刻無左代表性，唔通要重蹈覆轍？ 希望高層明白球迷苦心，你想套入追夢既咪係其他元素著手，作為球衣/banner設計加入去都得架點解要郁隊名呢，請三思 Btw今日呢場波比賽內容就無乜好講，中場連結乏力，運作速率基本如港會個場一樣，只係把握力好少少，靠個別球員神來之筆入世界波先搶得贏呢三分 黎緊又再戰傑志同港會 希望見到對勝利既飢渴感 快啲打返起狀態同東方周旋到底🙏🙏🙏 最後再講一次 「football without fans is nothing」🙏 就好似曼聯球迷被逼對抗前班主暴政咁，希望大埔隊班主唔好做港版「格拉沙」😥😭 @tpfc 香港足球