有唔少朋友睇咗我本書，然後inbox 我佢哋嘅感受 有唔少朋友睇到眼濕濕 亦有朋友話帶住我本書返公司，俾老細鬧完之後攞出嚟睇，平復下心情。 最令我感動嘅係 有一個讀寫障礙嘅朋友仔，佢話成世人都未睇完過一本書，而我本書就係第一本佢由頭到尾睇晒嘅一本書 另一個讀者同我分享，佢係一位長期病患者嘅家人，睇完我本書之後，喺我太太同媽咪嘅身上面獲得好大嘅感覺同力量，所以特登send message嚟多謝我 其實我出本自傳，除咗係記錄「陳浩源」之外 最希望係可以透過我嘅故事，可以俾到力量唔同嘅人 如果一路做到，呢個「二輪人生」就不枉。 如果大家睇完我本書有啲咩感受，或者感覺 歡迎隨時話俾我聽🫶🏻🫶🏻