當一個人仲會選擇用謊言去欺騙去氹你，你應該開心定唔開心。或者可能你係知對方講緊大話，你會選擇配合定不理會。定你會覺得寧願對方講真話，因為你知道佢口不對心。還是你都係會選擇相信，仲會期待佢有一次係真係會做到。 當一個人選擇唔欺騙，直接唔理會你，唔在乎你嘅感受，你又應該開心定唔開心。你會唔會希望寧願對方用謊言去呃你或氹你開心一秒或一次都好 。你會唔會諗點解氹我開心一次係咪真係咁難。會唔會諗係咪因為自己唔值得，所以佢連方法都唔諗，唔去呃你。