相信都會係今年最後一套我睇嘅電影.. 去睇呢套戲，都係因為🙈 想睇陳卓賢🤭 又彈結他，又彈琴，又唱歌咁… 但有一刻，我真係感覺到佢係蘇昇華喎… 見到日本火車上面，窗外面嘅海， 同埋兩個蘇昇華見面時背後嘅海， 好治療啊🙂 (含有劇透） . . . . 如果你真係擁有婆婆嗰粒晶石.. 你有勇氣去將來同未來嘅自己見面嗎？ 你又有勇氣返到以前同過去嘅自己見面嗎？ 婆婆話做人最緊要冇遺憾… 其實到幾時先至知道嗰時嘅選擇會導致今日嘅遺憾啊？ 無力堅持開始咗嘅話，總共要失去幾多自己㗎… . . 見到少女夏文萱見到大個夏文萱個幕 眼淚水就標出嚟 諗諗吓佢都真係好勇敢 亦就係佢對「愛」嘅定義 . . Ian同許恩怡之前都合作過… 睇到佢哋演出就好似睇緊MV嘅延續… 尤其是有一幕，約埋一齊聽歌… 一個畫面分開咗兩邊，直程以為係睇MV🤪 許恩怡嘅演出好自然 難怪咁多人讚賞佢 我以前都唔多睇過鄭伊健嘅電影 印象仲係停留緊響蠱惑仔嘅系列 從未見過久別重逢 嘅鄭伊健😎 希望未來會有更多有質素嘅香港電影 讓全世界知道有人「仍在」努力(tag 歌）中📽️ 下一套目標：「看我今天怎樣說」 🙂