自己唔係咩專家，都唔係話睇個日con要考牌要咁要咁，不過今日睇咗好多post講今晚嘅嘢，純粹係未瞓得着就發下噏風啦，聽日都要一早起身去排麻雀🥲 想講嘅係，你想睇一個演唱會要有氣氛，其實你自己都係觀眾一員，你都係負責制造氣氛嘅一份子！ 打call應援其實真係好重要，而我諗最基本都係嗰幾首歌啦(祝福/怪物/idol/群青/Heart-beat/Seventeen)，如果未熟嘅話呢，上個YouTube就可以幫到你架啦！ 另外，開場前嘅I Bet My Life，其實已經可以開始拍手打拍子，你就當佢係一首暖場熱身既歌曲，其實佢地係後台準備出場，我相信係會聽到！ 而拍片黎講香港可能真係冇咁嚴格，無乜人理？我亦唔知佢有冇講究竟可唔可以，但以我係日本睇既經驗，唔比拍片係真係有原因，而呢個亦都係演唱會氣氛嘅關鍵，如果你喺台上嘅表演者望落嚟全部人都舉起電話，你會有咩感覺？ 我覺得小量拍片留念真係可以，但係今日睇po，似乎好多人係成首歌咁樣拍，其實你無一齊應援除咗影響緊成個氣氛之外，真係會阻住後面既人去欣賞，希望聽晚大家真係放下屠刀😂開開心心一齊enjoy the show啦🥳 Yoasobi