Yoasobi Asia Tour 今年睇既最後一場演唱會 演唱會遲左少少開場，雖然得個半鐘。 但吹水環節並唔係咁多，又冇片播攝時間，又冇嘉賓（我覺得冇問題，如果有係Bonus）。但整體係緊湊。所以有人嫌時間短，呢個只係因為歡樂時光永遠都會嫌少。 呢度唔想講音響問題同埋坐定企。是否拍片影相都唔想討論。亦唔希望放2張場內相都俾人批鬥。 我入場前買左2隻演唱會碟，因為之前都係免費睇youtube(spotify係月費用戶)。我覺得既然係自己喜歡既，就課返金支持下。另外第一日popup store 開賣都請假抽時間現場排隊買週邊。（提一下d衫比平時著開大一個Size,大家要買最好去現場拎上手度下身） 最後想講我坐宇宙邊緣（看台Z行，即係最後一行）。 我係坐多過企，又冇拎打call棒，日文又唔好。但我唔覺得我冇資格入場。亦唔覺得要俾你地批鬥。如果前面要企擋住我，我都會企。但我係因為唔想全場企先至買看台位。我鍾意全企既位就買企位啦。 其他人既香港亞博場演唱會，就算全坐位，有5，6首歌都企都正常，至少encore都企。