中女與癌💁🏻‍♀️手術前嘅不安 其實開始左打化療第一針之後, 我就明顯摸得到個腫瘤細左好多, 去到後面幾針, 幾乎摸唔到, 個一刻我真係心存一刻希望, 覺得完全緩解係咪就可以唔洗開刀? 我之前有提過, 我唔驚化療驚開刀, 原因係, 我覺得化療既副作用係暫時, 但係無左忽肉係唔會生番出黎 係期間我有定期去見手術外科醫生, 一路有傾手術方案, 醫生亦好清楚我理想開刀位置, 另外, 我煩左好耐嘅係, 重建嘅話, 用外置物定自體重建 去到呢個位, 我真係掙扎咗好耐, 上網搵好多資料, 問左好多朋友意見, 但都無咩結論 後來越近手術嘅日子, 我發覺自己內心越不安, 因為一件無關痛癢嘅事好唔開心, 爆喊, 就知道自己情緒出現左問題 乳癌