續: 可樂雞翼勉強過關，但其實食落係豉油雞翼嘅味。 最恐怖係三大盤澱粉主菜。韓式牛肉炒意粉得一個甜味，泰式肉鬆炒飯油膩膩，望落基本上係一大盤飯，得青檸同香茅味。至於葡國雞飯，D汁螢光得嚇人，感覺落左好多色素，但食落竟然完全無味！連少少咸味都無，飯又濕又梅，好似食緊飯糊，紅蘿蔔同薯仔仲有好多未去皮，呢盤飯完全無人想食。 甜品西米露對比之下算係正常啲，但依然好奇怪。西米唔煮散，一大舊堆埋晒，算係細問題。最奇怪係三碗西米露完全唔同texture，有啲極稀，有啲極杰，明明應該係同一個煲煲出黎，完全唔明點解會咁。 食物無影相，因為真係無人有心機影。 有時真係覺得煮飯難食係一種罪過，難食到最後要玩game罰輸咗嘅人食埋啲嘢。玩完Game都仲淨8磅食物，最後要倒晒，浪費到無話可說。 呢位大廚仲有YouTube頻道教人煮飯，真係搞唔撚掂。