呢個講法同有本日本小說《我所看見的未來》有啲相似 坦言我自己唔係好相信 不過防災意識確實無論幾時都要有 嗰位樓主嘅推論本身都合乎邏輯 因為對香港最大威脅嘅海嘯嚟自菲律賓同台灣之間嘅海峽, 所以海嘯會喺香港東至東南方傳嚟 因此香港嘅東部同南部直接受衝擊嘅機會較大 以20年前南亞海嘯嘅經驗, 當時浪高15-30米(有啲地方因為地型影響可達30-50米) 基本上走到上100米以上嘅地方都算安全, 就算身處喺九龍半島, 如果能夠走得到上建築物嘅中高層, 仍然可以逃過一劫 反而我比較擔心係海嘯發生嘅時間 因為如果根據嗰本小說嘅講法, 時間係早上5點, 清晨時分發生會降低警覺性, 縮短咗成功逃生嘅可能時間 我好相信以前我中學班主任講嘅一句說話 “當大家都好aware件事會發生, 咁件事就唔會發生；但當大家都好唔aware嗰陣, 件事就會發生, 呢啲就叫做災難” 所以我又唔係覺得好悲觀