好感恩身邊有一班好好好好好嘅朋友 每個人都當我係公主/小朋友咁 好記得朋友講：你不嬲都係公主嚟 緊係要錫住 ：唔該你做返公主 唔好走去做啊四 好多謝大家一直對我好包容亦都好錫我 喺呢一年我感受到好多嚟自朋友嘅愛（我知道大家一直都好愛我 有時候我真係唔識得表達自己諗法 同埋好鬼蠢 我要人哋瘋狂chur 撬開我把口 我先會講自己嘅諗法 我又成日比人當傻仔咁恰 大家都會幫我出頭 保護我 會喺關鍵時候點醒我鬧醒我 教識我要更加愛自己 你哋仲會時刻留意住我嘅狀態同情緒 會好主動關心我 ：見你前排狀態有啲差 最近好似好咗好多 有冇嘢想分享下？ ：其實你唔使咁堅強㗎 有咩唔開心咪攞出嚟講 聽到真係覺得好sweet 好感動 已經眼濕濕 上一世我係做咗啲咩好事 今世可以遇到大家 我親愛嘅朋友們 我好愛你哋 希望接下來嘅日子身邊依然會有你哋陪住我行落去