《余好辯》 根本，曼聯唔需要透過炒坦克，請阿慕廉嚟凸顯球員問題。反而，噉做凸顯高層、球迷無知。 今季，曼聯曾經對水晶宮、韋斯咸嘅上半場有流暢組織，成功創造射門。多謝球員射唔入，令球迷覺得坦克必須離開。 睇唔到坦克今季季前熱身賽至被炒前，教曼聯踢控球在腳戰術、後場組織、壓逼陣式、時機有進步嘅球迷，請繼續睇唔到。 當時，曼聯成功組織埋門機會，只係入唔到波。阿迪達教曼聯，只會同坦克一樣命運。因為，第一季練控球在腳戰術，成績極差。 棄坦克，要阿慕廉，無知至極。阿慕廉戰術同坦克南轅北轍，只會啱英超中下遊球隊。唔好同我講曼聯而家係中下遊，以曼聯嘅大灑金錢、球星數量、弱隊對曼聯會死守，足以證明係英超強隊。 而家，阿慕廉做唔到坦克嘅組織，甚至連擅長嘅防守反擊戰術都組織唔到。只係一個幾月時間，已經證明一切。 坦克時期，曼聯係球員唔啱英超強隊戰術趨勢。而家，係球員、領隊都唔啱。邊個叫炒坦克、實際炒坦克？再加埋請阿慕廉、打阿慕廉飛機？ 我 Patreon 有一堆寫阿慕廉嘅文，詳細講解點解佢會失敗、佢套戰術唔可能有黑暗期等。有興趣可以去睇。 曼聯