香港青年的血淚 今日同阿媽阿妹出去食飯，一家人一邊食飯一邊吹水，咁聽到阿妹分享佢朋友最近嘅經歷，我就咁聽完我第一句話呢班人有冇搞錯，班撚樣真係唔怕折墮。 首先，嗰位朋友本身打份工得萬零蚊，最近由於公司唔掂，一個冇品嘅老細就自然拖糧，本身呢位朋友家庭環境就唔好，自己生活都好拮据，所以佢都好想盡快搵到工。而佢接下來嘅經歷真係證明香港專門欺負弱勢兼詐騙之城，由於佢真係好需要錢之前冇查清嗰間新公司嘅背景，而對方就正好利用呢點騙取呢位朋友嘅個人資料，然後利用呢啲資料去財務公司借貸令到呢位朋友欠落一萬多街數。 雖然阿妹有講呢位朋友已經去咗勞工處同警方做記錄，但呢位朋友仍然被財務公司追數，而佢屋企都因為有傢俬冇辦法幫手，問身邊嘅朋友，他們的第一個反應係唔係詐騙，好彩係朋友都願意出手略盡綿力，但多少都破壞咗彼此嘅信任。 呢位朋友可以做嘅都做咗，至於勞工處同執法機關會唔會做嘢，我諗都冇咩期望。希望藉呢段見聞提醒搵工都要謹慎查清認證公司嘅背景，畢竟呢個社會一直對弱勢好唔友善，甚至乎係專逼死呢類群體，不論你係咩年齡、性別。