尋晚，老爺奶奶食完晚餐就懷著依依不捨既心情為我哋今天起程返Edmonton張羅，兩老就不停問我同D先生中意食什麼肉同疏菜，之後就懷著愛子心切既心情去為我倆收拾食方面既行裝。 老爺奶奶既屋企係聖誕節既時候係同一間迷你士多係非常相似🤣。除左有非常充裕既零食同飲唔完既汽水，亦有勁多既肉類同雞蛋。 （由於老爺識friend開農場，所以屋企有好多冰鮮肉；兩老亦係有自己小花園嚮夏天種植大量新鮮疏果，種多左既疏果會冰鮮雪藏留係冬天既時候享用） D先生好中意新鮮農場雞蛋，老爺就托個friend買左10盒農場雞蛋比我哋帶返Edmonton(托老爺買都係5蚊盒，1盒12隻，Calgary Farmer Market就賣緊12蚊1盒，一樣12隻☺️) 奶奶亦送咗四大樽自家做既果醬同Salsa醬俾我哋🥰 重有好多愛心小食，姐係之前post相成枱都係小食（treats）全部都係奶奶同姑仔親手做黎應節。數量同樣誇張，佢地一共fill滿咗一個冰櫃同3個搬屋箱.每一年都係一樣，整多左既treats會用黎招呼親朋戚友或者拎返工同成班同事一齊分享普天同慶。奶奶亦pack咗好多俾我，再一次又食又拎既情況下感受到親情♥️