前線銀行職員日常 (1) 今日返工俾個呀伯鬧，話Canada Post罷工佢收唔到信用卡statement , 冇找卡數，俾銀行計咗利息，跟住係鬧我撳住搶，攞啲小市民開刀，話照收佢利息係唔道德之類之類。 我錯就錯在唔小心提咗e-statement 呢個字，俾佢打蛇隨棍上話我恰佢70歲唔識上網。於是我唯有反擊話佢可以黎分行/ 打熱線電話問爭幾多錢，佢又話我蝦佢唔識英文喎。 佢爭啲講粗口鬧我架喇，點知講到口唇邊吞返。諗住只要佢一講粗口鬧我，我會立即話佢abuse 我，再請佢離開架嘛。 最後我話：我唔同你講喇，你與其喺度為咗少少利息話我，不如你去拿拿聲去隔離銀行問下另一張卡爭幾多錢未找啦😝佢立即走咗，我諗佢去到嗰邊又同人嘈過🤣 對付無賴真係要同佢鬥無賴先得🙂‍↔️ 多倫多 多倫多 多倫多