पर्दा पछाडिको हिरो: 'सोचेझैं जिन्दगी रैनछ', 'धनगढीको बसमा', 'अरेली काँडैले', 'म त ढलेँ ढलेँ' जस्ता हिट गीत लेख्ने नेत्र अर्याल सरकारी जागिरे हुन्। गुल्मीमा जन्मिएका नेत्रले २०६५ सालमा पहिलो गीत 'पल्टन पुगेपछि' लेखेपछि आजसम्म एक हजारभन्दा बढी गीत लेखिसकेका छन्। बाल्यकालमा भारतीय सेनामा रहेका बुबाका चिठीमा टुक्का थप्दै कविता लेख्न सिकेका नेत्र, समयको अभावका बाबजुद जागिरसँगै गीत लेख्न समय निकालिरहेका छन्। उनी भन्छन्, "सरल र सहज शब्दले मात्र श्रोताको मन छुन्छ।" गायकहरूको मागअनुसार गीत लेख्ने उनले रमाइलो गीत मात्र नभई सबै प्रकारका गीत लेख्ने प्रयास गर्छन्। हाल 'म त ढलेँ ढलेँ' जस्ता गीतले उनलाई थप चर्चित बनाएको छ। ❤️