【移英半年感想｜生活點滴】 part 2 🌧️ 英國生活：好與唔好 唔好嘅方面，真係唔少： 1️⃣ 天氣變化大，灰灰沉沉，心情會受影響，要食靠維他命補充劑。 2️⃣ 公共交通麻煩多多，脫班或者司機中途叫你落車都唔罕見。 3️⃣ Customer Service效率真係有待提高！我地試過俾寬頻公司誤罰£400，搞咗好耐先成功追討返同申請到賠償（想知再講）。 但同時，好嘅地方都好值得分享： 🌟 健康改善：早睡早起，可以訓足7小時，精神同體能都有所提升。 🌟 自己煮飯：多咗自己動手，研究健康食譜之餘仲慳錢！ 🌟 足球文化：如果你鍾意足球，英國係天堂！無論睇波、踢波定係講波經，都係融入社區嘅好方法。 🎉 展望未來 新一年，最大希望係繼續順順利利融入英國文化。同時，無論你留喺香港定係移居其他地方，都希望大家可以堅持自己嘅選擇，開心過每一天！因為選擇本身就係一種自由 ❤️ 👉 如果你都喺英國或者考慮移居，可以分享下你嘅故事，一齊交流更多經驗啦😂