27/12 既呢一晚 真係我人生入面好難忘好難忘嘅一晚！！！ Day1同Day2嘅分別，好多人都講晒，我諗都唔使再多講 我淨係想分享我自己嘅感受，上兩個月係巨蛋睇既時候我都無喊，但尋晚我真係喊咗出嚟，尋晚嗰個氣氛同嗰種感動我真係唔知點去形容，無諗過一開場I Bet My Life已經自動拍晒手打拍子，無諗過咁多手燈，無諗過ayase會帶住我地清唱たぶん，然後仲要唱得咁大聲，無諗過Heart-beat咁多人識唱，無諗過企我隔離個女仔打call就嚟大聲過我，無諗過樓上既人好多都企曬起身，等等好多好多既無諗過，所有嘅畫面我都歷歷在目，尤其係見到ayase同ikura播一個滿足同感動既樣，我到而家諗返起尋晚，都仲係會起雞皮！！ 真係好想好想多謝尋晚所有入場既每一位，係我哋一齊創造咗呢一個屬於我哋咁特別嘅回憶，係我地一齊令呢一晚既香港場變得與別不同，係超現實呀！！！！！😭😭 Yoasobi