自從美東超市個老廣東師傅退休，燒味質素直線下跌，今日一時衝動買咗半斤燒肉，真係應該夜晚拎出去餵鹿。而且越來越少做豉油雞，去過幾次都買唔到。 今日竟然比我買到豉油雞，半夜三點幾醒咗去完廁所瞓唔返，突然覺得應該補充下蛋白質。即刻啪兩粒分解酵母膠囊，然後整熱隻雞。估唔到，隻雞完全喺水準之上，好食過香港好多豉油雞，亦都完全超越咗近排美東嘅出品。 不得不說，半夜食半隻豉油雞做宵夜，再飲罐Canada dry，真係爽到震。呢一刻我唯一嘅考慮就係，煮唔煮過關廟面撈咗啲甜豉油同雞油，如果食埋應該真係瞓着都會笑返醒。