轉捩 - 4 喺猶豫轉行與否之際，我去左睇五月天《人生無限公司》演唱會，聽住一首首熱血歌曲，配搭一段段精心舖排既video，喺紅館既山頂位我做左決定。 當時既我寫低左呢段文字: 「我想我還是想用力及實在地生活。認真地做每一樣的東西，給予自己少一點藉口去過得舒服與逃避，把每個今天都活得好好的。 人生是有限，但對於人生的想象卻是無限。只有一回的人生，走到終點時，你想回憶起的是怎樣的片段？ 我想把那塵封了的『夢想』找回來。」 坐喺到諗自己適唔適合入行，諗一世都唔會諗到答案。只有親身嘗試，先會知道答案，要試要撞板就趁人生負擔少既時候去試。 嗰個moment 點樣入行？我唔知。 讀course好定直接入行做野？我都唔知。 捱唔捱到？唔知 我淨係知我決定拎埋嗰年bonus就辭職。 應該總會有方法入到行既，希望自己唔好屬於唔捱得既人