食完粥之後,吳姑娘解綁咗腰同手。半小時之後,姐姐叫我行去觀察室,我就行去觀察室,姐姐就推我張床去觀察室入面嘅位置。 觀察室有九張床,唔計我,就有四個人(兩個未成年、一個老人家)第一日顯得格外漫長,成日差唔多都係坐椅子。有姑娘同我傾下,其實都係問下我係咩事入嚟(但係每一個護士都問一次,我會覺得好刺激到病人),好快有姑娘幫我洗傷口。好快到食午餐,我剩係食咗D茶好彩下午探病個陣,我屋企人探我,但係好耐都冇人解我。我同房其中一個就叫姑娘解我,毛姑娘就入嚟,但係我聽到佢講邊個叫佢唔叫我哋(個下我好嬲)。