[J pop] 預左引戰 完全唔理解點解作為fans可以講得出「唔想自己睇個團/歌手黎香港」呢句 得罪講句，你只係抱持緊「得我飛到去日本有得睇」既個種優越感去聽歌 作為歌手，有邊個唔係想自己既音樂可以比更多人聽到? 作為樂迷，你唔會想歌手既努力值得比更多人睇到? 一邊講「邊個邊個值得更多」「點解香港咁少人識欣賞邊隊邊隊」，一邊又唔想人地黎香港其實係咪自相矛盾? 就算香港場安排/音響/觀眾點柒都好，呢兩年黎過咁多隊表演都係瑕不遮瑜。有邊隊歌手黎完之後唔係講鍾意香港場既氣氛? 有邊隊既歌迷唔係講好感動呢個歌手有黎到香港? 拎一兩樣做得唔好或者兩三條唔識尊重規則既柒頭皮黎講根本無意思。 再講街客多過死忠既問題，你係死忠既話買唔買到飛你都係飛日本睇架啦，Why not both？ 就算係街客，聽live就係感受歌手震撼力既最直接途徑。今次街客，聽完咪入坑聽埋日本場囉。