第二集就講下第二份工，呢份工係01~05年，係我打工生涯最長既工，做左4年，當時岩岩科網股爆破，03年SARS襲港。 呢份工都係朋友介紹，都係制衣，由梳職轉做針織，今次本住有2年多經驗，人工由8000開始，到第三年至加人工到9500, 離職時本來都講會加到12000, 不過覺得有4年啦，應該要轉地方再去見下其他公司，都堅持辭職。 第二份工係一間廠既跟單部門，只有2個跟單，我同我阿姐，我阿姐係一個善良既人，不過就係一個小女人，有時會有 d 脾氣，不過我感謝佢放手俾我自己去跟一個客，對我成長有一個好重要既支持同信任，4年過去我覺得唔會再太大既進步，當時我23歲，覺得個度有養老 feel, 我自己既性格係會想去見下其他，所以第4年公司都加人由9500加到12000我都選擇走。 第二份工既總結，學識了獨立處理事情，對自己認同感加大左，信心好左，所以到下一份工時我更加夠膽去爭取自己想要既嘢，當時2005年經濟復甦，merchandiser絶對隨時搵到，所以我再出去搵工時叫價13000都即時請左我，第三份工亦都係遇到我打工生涯最叻既上司。 之後第三份工，下集再講。 人生歷程