去到第三份工，呢份工充分體驗到辦公室文化，由自己公司到客公司都充分體驗到。 呢份工阿姐係一個超級爽快既人，能力強，高決策力，待人接物都好高既一個人，本身我番左呢份工一個月就因為呢間公司既文化令到我想走，但係我認為跟佢會學到好多嘢所以我決定留底，而佢對下屬亦會主動為我地爭取，過左試工期由13000加到14000(當時9月），過左年就加到15000, 以2005年至06一年間，人工係由9500上到15000, 對我來講係升得超快，但係呢份工只做左一年就走左，因為阿姐佢率先頂唔順個文化所以走人，我都覺得無意思所以走啦。 講番個間公司文化？歌仔都得唱，同鄉愛新鮮，鄉里大過天～～Reception食榴槤，成個會議室都好好味，運輸唔洗搬貨嫁，我自己就搬到 blackjack, 佢地就玩BlackJack. 非鄉里背景既，為左保住份工，知道老闆信教一齊信教，有d資歷耐d既同事會勁無禮貌西鳩新入職既人（但係佢都係同我同等）。喪OT俾人睇，永遠唔收工。 唔好講自己公司，連客個邊都cam到仆街，個buying office成班女都柒到哭，成班平行時空。 所以走都係預期之內。 人生歷程