[家庭出行] 傷殘後主題樂園初體驗5 雪嶺滑雪橇要等成個鐘，放棄左，順路漫步去小小世界，我本身想無限loop 小小世界，因為係唯一一個可以近距離同兩個仔一齊玩嘅遊戲設施，幫我排隊嘅職員哥哥好好人，佢見我同太太等候期間輪流同仔影相，臨入去玩之前就幫我地影左張全家福，全日最滿意就係依張相🥰。架𨋢直達上船位，獨立船比坐輪椅嘅Family，後面座位拆哂整平，就算輪椅腳踏比較長或者躺平的都有足夠空間進出，上船後有個鐵架固定，睎睎坐左邊，謙謙同老婆坐右邊，可以陪伴年幼的他們的時間不多了，珍惜每一次相處的機會。 之後上左小火車，疫情一直停運自己都未坐過，沿途比樹遮擋，只看到Fantasyland 同森林河流之旅的動物，如果要坐全程一圈，記得要同職員講聲。謙謙搖搖下就訓左😪，趁佢熟睡，哥哥去玩Ironman，我終於可以抱下謙，我出事之後都冇抱過佢訓，抱佢嘅機會寥寥可數🥹，就算我腰背多麼疼痛，他在懷裡安睡的半小時是珍貴溫暖的回憶，我中間勁驚佢醒左喊搵呀媽，感恩佢醒左抬頭望一望我，我繼續輕輕拍住，佢好乖安靜咁周圍望等待哥哥返尼。 #SCI #脊椎創傷 香港迪士尼樂園