續 而《爸爸》我係有少少失望，有種覺得最好睇嘅部分已經喺晒個預告度⋯⋯當初預告出嗰陣我起碼睇咗5次，都對套戲抱一定期待。但最後有少少失望⋯⋯導演嘅處理手法我唔太get到晒，亦有啲情節有些少多餘，應加強或交代嘅又似乎沒有。不過蘇文濤呢個年輕人真係做得好好！ 另一套唔錯嘅係《得寵先生》，都係值得支持嘅本地電影。 或者社會氛圍都有啲負面，《我談》同《久別》喺一啲唔好嘅事中有啲虛幻或驚喜嘅原素，反而係帶嚟點安慰。 2024年入場支持咗唔少套港產片，例如上半年嘅《臨時劫案》、《填詞L》、《但願人長久》、《九龍城寨》等等，都係值得欣賞之作，當然仲有啲未有提及亦值得支持。 2025年都要繼續支持仲係以廣東話為主要語言嘅電影！ 做製作真係唔容易，或者你只係花100分鐘去欣賞，然後就一句好睇或唔好睇。但背後團隊所花嘅時間數以年計，要成就一套電影亦花費一個龐大嘅團隊嘅時間心機，當然資金成本都係其中一個好大嘅原素。我亦深信唔係淨係有錢就拍到好電影，台前幕後嘅人嘅用心更為重要。 而電影好唔好睇亦係好主觀嘅感受，好好欣賞唔同嘅電影吧！ 港產片