《久別重逢》同《我談的那場戀愛》兩套都好好睇！ 尤其係《久別重逢》，淡淡然但又好觸動到我，眼淚不自覺咁流，喊咗我3張紙巾。 諗起由小學開始，都會諗十年後嘅自己係點，大個咗會係點，同熟悉嘅人仲會唔會關係咁好呢？究竟某啲抉擇可唔可以重新再嚟多次？而好多嘢都以為自己忘記咗，其實並沒有，就好似放喺一個盒入面咁，或者係inside out嘅「長期記憶區」咁，當有條鎖匙開啟咗，至發現一切都依然記憶猶新，百般滋味仍在心頭。 我都會好想好似電影入面咁，可以問未來嘅我有咩遺憾再去彌補，或者去支持想支持嘅人或事。 或者人生每一個階段真係必然嘅過程，亦會留有遺憾，但只要一息尚存，或者都可以改變？ 總結幾位演員都做得好自然，歌好聽戲好睇！ 而《我談》嘅劇情好意想不到，又有有趣嘅位，又有拍得好唯美嘅畫面，MC又做得比想像中好！首《筆友》我仲日日loop緊！ 真心我個人鍾意呢兩套多過《破•地獄》⋯⋯當然都係《破》都係一套好好睇嘅電影，我都入場睇咗兩次，詩雅演出亮眼，想表達嘅訊息都好有意思，而破地獄嘅畫面都好唯美。對於生離死別，可能要年紀再大啲會更有感受。覺得唔好睇嘅人大概係期望過高？！ 港產片