而AMM亦都無講過一句為我持平既說話. 個刻我就明白到職場遊戲規則, 只係過去9年我都有一個好好既上司, 保護我同教我, 我被寵壞了. 本身team已經唔夠數, 仲要停落單, 自此之後SMM開始當我透明, 到過年個個都有花紅而我無, 個時我都無諗住要辭職, 直到國內跟單同事辭職, 個SMM就叫我上去大陸頂佢個位, 每星期一至五, 頭兩個星期都無野, 直到第三個星期佢叫留2個星期至番香港一次, 我斷然拒絕, 個下我就知道佢迫緊我走. 之後第四個星期我俾辭職信佢個時, 佢係面露喜悅咁收封信, 仲即時叫HR安排請人. 我都諗過再搵製衣, 點都有人請, 但係沉澱過後, 如果我想搵3萬一個月, 究竟我要做多幾多年至會到呢, 自己亦有無能力呢? 個刻有一個中同搵我, 佢係做保險, 做左2年仲要搵到4萬一個月, 令我眼前一亮, 而佢老闆係2010年見面時搵120萬一年, 對於我來講真係好誇張, 同時覺得佢會教到我野, 本住無野輸既心情就轉行做保險. 好天真咁就開波, 點知原來保險令我重新審視自己過往既自己, 講成咁就知道起步仆晒街啦. 11年過去了, 重新投入另一行業. 人生歷程