到制衣生涯最後一份工, 我第5份工, 2009至10年, 做左差唔多1年半, 當時金融海嘯, 搵左2個月都無工見, 個時真心好荒, 當有一份工可以請我個時就即刻應承, 我叫番16800, SMM話只俾到16000, 試工期14500, 基本上我都要接受, 2月開工. 到今日我都會講, 多謝呢份工個上司們, 令我決心轉行, 所謂塞翁失馬, 焉之非福係完全表達到我現在心情. 呢間廠都屬於行內有名既公司, 我以為制度或管理上都會系統化, 原來係人治問題更加嚴重, 本身請我個條Team已經係弱勢, 個SMM會經常向下屬發放對隔離Team既負面野, 講人地好數就好掗拃, 霸度. 對下就只會睇住跟佢最耐個3個SM/AMM, 不幸地我係第二個月已經到英國既貨出左問題, 客已經警告左公司, 當然呢件事唔係我錯, 因為走貨個時我都未入職, 亦無人同我講發生咩事, 跟住大概4個月後到我跟走貨, 成個流程我都跟足, 每個parties都批晒, 點知貨到英國又出事, 同上一次一樣問題, 壓到起鏡, 客就出通知停我地一季唔落單, SMM就將所有問題放晒我身上, 全因為我做錯. 下段繼續. 人生歷程