紀錄一下最近的廢人生活（欸 早排喺串睇到有人推薦風筒支架，吹頭時解放雙手，感覺非常吸引。於是就網購咗個好靚仔嘅返來用。 個風筒架來到，試用完個體驗非常好。因為唔使自己舉住，所以吹嘅時候唔會唔耐煩，可以較個暖風坐喺度吹到9成乾。角度也非常靈活，基本上碌陣電話就吹完。 最煩嗰樣係，佢本身唔預英制插頭用，放風筒個窿過唔到插頭，搞到我要夾住條電線喺個圈度用。 後來我發現其實買個咪插，其實都可以插風筒，推薦有支架嘅可以買個咪插返來試下，會發現新世界 🤣🤣🤣 另外最近去按摩，師傅話我個坐骨好緊下。我覺得係呢排睇片太耐姿勢不良所以有啲影響……最後試咗個床頭支架，實現躺平睇片。如果睇抖音嘅仲可以買個遙控器，實現躺平刷抖音（喂） 今日瞓喺度睇咗一個下午空中浩劫，冚住棉被睇片嘅唯一唔好處係，睇到差唔多會直接瞓着 😂😂😂