話說今朝有啲野做去左西九 12點零就得閒,本身想返歸抖下,因為出面好多人唔想迫. 不過反正有時間,行過圓方就睇下有無戲想睇 ,一向都鍾意睇動作電影既我,見有宇宙最強就睇下啦. 以下有劇透 ============================ 第一想講係講動作, 覺得係同以前有啲啲唔同,60有1既宇宙最強都仲係好勁, 雖然果份速度力量同剛勁係跌左,都無可厚非,佢都係人,有而家咁既畫面呈現出黎,爽度係十分足夠有餘. 頭尾兩場戲係有較大新鮮感, 第一場由高角度到第一身視覺形造超級警察(有啲美隊咁勁) 係有新鮮感既. 而尾既火車打鬥, 大boss 出場 同埋 慣穿成套電影既西裝(當然佢係律師).唔知係咪去完荷李活返黎(拍埋JW4),用色氣氛有啲啲致敬John wick 既feel. 另外兩場 其中一定有MC果場追賊份,比足機會時間同動佢設計,係有驚喜 仲有中間同鄭側士係club頂 ,比十幾人圍掉酒樽先開打都唔錯. (覺得著西裝係停車場飛落去救人係誇張左) 第二想講係,好多大卡士,但都明顯想提攜新人, MC, 馮皓揚,梁仲恆,locker ,朱康(唔算新) 等等等等 下面續