來到第四份工，係針織做日本單，做左2年半，係2006~08年，金融海嘯下第一次俾人炒，有趣係我呢份工係最俾心機去做，目標升做SM, 或將來做MM, 原來公關做得唔好，食屎嫁啦，宜家睇番真係睇到自己既天真幼稚。 當時我入職係15000, 分別加兩次人工到16800, 呢個人工係我打工生涯人工頂峰，上司好好，教我好多嘢，係我情傷下跌落谷底對我包容，真係自己既福氣。佢當年因為要移民，所以離開，之後下一個MM來到，要求我所有事情都先交待俾佢，好似做番個AM, 同佢炒大獲，結果我直接R同老闆報告自己跟單，跟既單唔大，對公司亦唔算得上大生意，到08年底海嘯下裁員，對於無背景支持既我就順利成章898. 呢份工係我開始思考勇於表達爭取，打工既出路都係自己既選擇。係08初既CNY, 花紅出得半個月，但係我做到仆街，晚晚都12點收工，非常不滿搵老闆表態，老闆亦開番我跟既單對公司實際收益，加上我遲到嚴重（平均10點番到），所以只有半個月，當下真心吹L漲，不過老闆最後都俾左封利是我當作支持。但係都明白到自己可控制到既太少。重點客係老闆分配。 第五份制衣工，係我最後一份制衣工。 人生歷程