咁我都係宣洩下自己情緒咋喎，咁佢講得我又唔講得咩？佢出首歌情勒人就得，其他人覺得被offended就唔得？我係有好仔細研究過每句歌詞，因為我好驚誤會佢。原來冇，每一句都好似純銀子彈射入我個心。係好中呀，邊個估到以前咁愛嘅人為咗圈粉固粉可以咁樣擺前粉上枱？好意思講人哋回唔到最初？ 邊個唔想各自安好呀？我由9月到依家一粒聲都冇出過，甚至睇Chill Thai時仲覺得好懷念佢嘅表演。依家係佢自己又提起先，再加埋你哋啲純銀子彈亂射。講真，當初脫粉潮咁勁，都多得你哋班真粉鬧得夠晒惡毒，令好多人默默退圈。依家正主親自下場引戰，既然佢都唔介意粉圈再起紛爭，咁咪讓子彈飛囉。