我係新城勁爆頒獎禮2024，主持人陳浩源 兩個月前嘅一個晚上，突然收到一個電話 「Daniel，我想搵你做新城勁爆頒獎禮嘅主持」 「多謝你呀，我都想做音樂頒獎禮嘅頒獎嘉賓好耐㗎啦」 「唔係呀，做主持啊，唔係頒獎嘉賓啊！」 「做。主。持。？咁大個 show ??」 「係呀，今次我哋樂壇聯成體壇，知道你講嘢叻，所以係你㗎啦！」 我被嚇咗一秒，考慮咗一秒，然後答應咗！ 既然新城 @multi.metro 咁勇敢，我都冇理由驚咗 而且呢個可能係一生只有一次嘅機會，死就死啦！ 結果做完個show，冇穿冇爛 好多人都讚做得好好 其實全靠另外三位主持 carry住小弟 好開心可以同 @rickyfanchunfung @chrislai_mom @akinafong 你地合作，係真心開心同真心多嘢學！ 另外要多謝新城夠膽起用我呢個體壇老人暨主持界新人去主持呢個咁盛大嘅音樂頒獎禮！ PS 少少分享：好多人覺得可以做到大騷嘅主持，對住咁多明星好正，可以打好多卡！ 其實個結論係，你由頭到尾都掛住做嘢，根本上唔會有機會可以影到一幅相，所以我係同好多明星擦身而過，而完全冇同佢哋影過相，希望日後有機會補返🥲