自從做咗呢份工之後做咗輕鐵小神童 有日聽到三個唔識對方嘅伯伯傾計(A,B,C) A: (問B) 你今年幾歲啊？ B: 出年就80啦！ C: 嘩，咁咪好快上天堂！ 擔心佢哋會開拖波及me🥲 輕鐵入面好迫冇地方避 B: 天堂呢啲要排隊㗎，話去就去咩 A: 附和 又過咗一陣 A: 你拖住架車仔去邊啊？ B: 諗住去百佳行吓！ A: 好勁喎仲可以周圍去 B: 我呢啲一支公，求其煮吓又一餐，好簡單啫 C: 你另外嗰支公呢？上咗天堂呀？ A: (同B講) 佢都忽忽哋！唔好理佢 B: 天堂呢啲要等叫名㗎，叫到咪去囉！有咩咁大不了！ A: 最緊要每日過得開心，身體健康！ 然後佢哋三個人同一個站落車 冇開拖真係好犀利，老一代香港人係有有智慧嘅另一面，祝AB兩位伯伯身心健康🫶🏻 天堂兄咁口臭就算撚數啦🙂‍↔️