話說今日去餐廳食晏，有對情侶係隔離枱，個女仔要求個男仔比部手機佢check，個男仔黑哂面咁將部電話掟落枱面，大力到部電話都反彈左幾下，我都比佢嚇一嚇。 不過從佢冇任何反抗黎睇，都應該係慣左，而唔係第一次。跟住個女仔應該係check佢D message，唔知佢見到D咩，淨係聽到個男仔話，嘖，你咁唔滿意咪幫我quit左個group囉。 我作為旁觀者都覺得咁樣既關係真係好大壓力，其實係咪好多人都會定期check另一半電話？理由係D咩？對另一半不夠信任？其實有心要呃你既，應該都唔會咁傻仔用同一部電話？