夜晚就會諗好多 睇到所有關於空難嘅嘢真係特別down 可能因為睇到罹難者嘅最後訊息，令到「179個人」喺我腦入面變得唔再係一個冷冰冰嘅數字 而係一百七十九個有各自嘅家庭、夢想、經歷嘅「人」，係一條條鮮活嘅生命 諗返起我自己平時同人講safe flight，有幾多次係真誠咁wish them well而唔係純粹一個形式化嘅禮儀？好似真係冇乜幾多次唔係為講而講 總係太老定，覺得平安係理所當然，覺得「點都會見第二次嘅」，覺得悲劇只會出現係電視畫面、新聞標題，但係原來我take it for granted嘅嘢可以係咁脆弱 然後我琴日仲喺度同屋企人因為啲雞毛蒜皮嘅小事冷戰，touchwood 如果我聽日出意外，就真係同佢哋最後嘅回憶就係互相睇唔順眼 都幻想唔到嗰個錯過咗個女最後一個電話嘅阿媽係咩心情 希望我會學識珍惜眼前人、珍惜每一個平凡嘅時刻啦，因為臨死就真係得返回憶有意義 祝所有人每日都平安 🕯️❤️‍🩹