2024年嘅全部作品，一共26件！ 自己模型嘅得4件 代工10件 Robot魂代工12件 代印&畫圖就懶得計，因為有部份都未出/交得貨 冇諗過今年會自己租工作室，感恩都夾到朋友一齊搞，令到成件事冇咁辛苦 自己嘢裏面其中兩隻都係 @blackchair223 畫，係我今年最深刻嘅兩隻，3D model本身都令人好深刻，整個過程又令我進步好多，更加第一次試埋做舊化。好彩出到嚟反應都算幾好，都算冇晒到作者畫嘅好作品 代工嘢真係多謝客人們嘅支持，今年嘅我幾乎都係靠佢賺錢生存 今年各個社交媒體都多咗好多人follow/subscribe，呢點又係要多謝大家支持，始終自己整嘅作品仲有好多地方需要進步。今年主力放咗落去拍片度，原來拍埋片去整一隻作品真係要花比唔使拍片嘅三至四倍嘅時間去整，好彩出到嚟啲片都比想像中多人睇 不過啲嘢多人睇就代表會有人唔鍾意，所有留言有機會睇到嘅我都會去睇，講真見到啲批評嘅回應就一定難受，不過都開始學識接受，咁之後先有得進步 最後張相就係積落準備整嘅嘢😂已經成日俾人笑開得太多嘢了